Kuzgi odatiy yomg‘irli kunlar tushkunlikka tushishingizga sabab bo‘lmasligi uchun yaxshi kayfiyatni saqlash kerak. Buning uchun esa kayfiyatingizni ko‘tarishi kafolatlangan komediyalarni taqdim etamiz.
“Dedpul va Rosomaxa”
Bu yilning asosiy premyerasi jasur antiqahramonlar haqidagi trikvel bo‘ldi. Yangi filmda Ueyd Uilson uzoq tanaffusdan so‘ng yana Dedpul roliga qaytadi. Faqat endi u dushmanlar bilan yolg‘iz o‘zi jang qilmaydi — uning sherigi Rosomaxa bo‘ladi. Ular birgalikda tarixni o‘zgartirishga mahkum.
“Ittifoq”
Ba’zan tasodifiy uchrashuvlar hayotni tubdan o‘zgartirib yuborishi mumkin. Mayk jersilik oddiy quruvchi. Maktabdagi tanishi Roksana Xoll bilan uchrashmaguncha uning kundalik hayoti bir xil kechadi. Birgalikdagi kechki ovqatdan so‘ng, Mayk to‘satdan Londonda uyg‘onadi. Ma’lum bo‘lishicha, uning dugonasi “Ittifoq” maxsus xizmatida ishlaydi va unga do‘stining yordami juda zarur ekan. Endi bosh qahramon josuslik qilishni o‘rganishi kerak.
“Oilaviy ish”
Kris Koulning xudbin yulduziga shaxsiy yordamchi bo‘lish oson ish emas. Shunday qilib Zara bunday asabbuzar ishdan ketishga qaror qiladi. To‘g‘ri, injiq xo‘jayindan qutulish oson emas. Tez orada qiz o‘sha aktyor onasi bilan yashirincha munosabatda ekanligini bilib qoladi.
“Kaskadyorlar”
Jarohat tufayli Kolt Sivers kaskadyorlik sohasini tark etadi. Biroq ko‘p o‘tmay unga prodyuser qo‘ng‘iroq qilib, yordam so‘raydi. U sobiq sevgilisi Jodi tayyorlayotgan filmni suratga olish uchun Avstraliyaga uchishi kerak. U suratga olish maydonchasiga kelganida, qiz sobiq yigitini ko‘rganidan mamnun emasligi ma’lum bo‘ladi. Asar bosh qahramoni g‘oyib bo‘lganida vaziyat yanada chigallashadi.
“Irlandcha orzu”
Bir kuni Meddi qadrdon dugonasi u orzu qilgan yigitga turmushga chiqmoqchi ekanligini bilib qoladi. Shuning uchun u dugonasi bilan joy almashishni istaydi. Natijada mo‘jiza sodir bo‘ladi va Meddi kelin bo‘ladi.
“Arvoh ovchilari: Muzli dahshat”
Spenglerlar oilasi Nyu-Yorkka qaytadi. Shahar aholisi anomal issiqdan aziyat chekmoqda. Ammo shaharda paydo bo‘lgan sharpa odamlarni haqiqiy sovuq nima ekanligini bilishga majbur qiladi. Kutilmagan mehmonni narigi dunyoga jo‘natish uchun hammaga tanish bo‘lgan o‘sha jamoa yordamga keladi.
Izoh (0)