Президент томонидан имзоланган қонунга кўра, давлат мулкини бошқариш соҳаси такомиллаштирилмоқда. Бу ҳақда Адлия вазирлигининг “Ҳуқуқий ахборот” Telegram канали хабар берди.
Унга кўра, айрим қонун ҳужжатларига, жумладан, давлат мулкини гаровга қўйиш, баҳолаш ва оммавий савдоларга чиқариш, давлат мулки объектларини “ноль” харид қиймати бўйича реализация қилиш тартибини бекор қилиш, давлат иштирокидаги корхоналарнинг ҳомийликка сарфланадиган харажатларини, шунингдек, қимматли қоғозлар бозорини тартибга солиш билан боғлиқ ўзгартириш ва қўшимчалар киритиш назарда тутилмоқда.
Ўтган, 2023 йилнинг март ойида “Давлат мулкини бошқариш тўғрисида”ги қонун қабул қилинган эди. Ҳужжат давлат мулкини бошқариш соҳасидаги муносабатларни тартибга солади. Унда хусусийлаштирилмайдиган давлат мулки рўйхати келтирилган.
Қонун давлат мулкига эгалик қилиш ва (ёки) ундан фойдаланиш, давлат иштирокидаги корхоналарни бошқариш тартибини, бошқарув органларига бўлган талабларни, давлат мулки реестрини юритиш ва маълумотларни ошкор этиш тартибини белгилайди.
Изоҳ (0)