Тошкент вилояти ҳокими Зоир Мирзаев хорижда меҳнат қилаётган мигрантлар билан мулоқот қилди. Уларни тинглаб, маоши кам бўлган ўзбекистонликларга даромади яхши иш ваъда қилди. Бу ҳақда “Дарё”га вилоят ҳокимлиги ахборот хизмати хабар берди.
Ҳурматли президентимиз топшириғига кўра, аввало, ишлаб турган мигрантлар ҳолини сўрашни мақсад қилганмиз, шунингдек, муаммоси бўлмаса, ишини давом эттиришини қўллаб-қувватлаймиз. Уларни мажбуран қайтариб келиш, деган масала йўқ, деди вилоят ҳокими мигрантлар билан суҳбати аввалида.
Мулоқотда хорижда юрган юртдошлар, хусусан, ёшлар Зоир Мирзаев билан суҳбатлашиб, муаммо ва масалаларини гапириб берган. Тўрт соатдан кўпроқ давом этган мулоқотда вилоят ҳокими 106 нафар мигрант билан гаплашган.
Россиянинг Челябинск вилоятида 130 тонналик беларус трактори ҳайдовчиси сифатида ишлаб келган ангренлик йигит Ватанига, уйига қайтиш нияти борлигини айтиб, “Ангренга, ўзимизнинг уйимиз атрофига қайтиш ният бор эди”, дея мурожаат қилгач, Зоир Мирзаев ОКМК раҳбари билан телефон орқали мулоқот қилиб, шу йигитга иш сўради.
-1wl_OunO.jpg)
ОКМК раҳбари Абдулла Холмуродович, келсин, беларус трактори ҳайдовчисига жой бор деяпти. Эртага келсин, эртага ишга оламан деди, дейди мурожаатчига бу ҳақда маълум қилган ҳоким.
Зоир Мирзаев билан онлайн мулоқотга киришган мигрант аёл Германия давлатининг Бранденбург шаҳрида ҳамшира бўлиб ишлашини, ойлик маоши 2300 евро эканини айтиб, масъуллар — хусусан вилоят ҳокими ва шаҳар ҳокимига ҳолидан хабар олгани учун ташаккур изҳор қилди.
-dRjuRGcc.jpg)
Энг асосийси, нисбатан кам маошга хорижда ишлаб юрган 20 дан ортиқ мигрантларга Ватанда яхши иш таклиф қилинди, улар келгусида Ўзбекистонга қайтиб, шу ерда меҳнат қиладиган бўлди. Айни пайтда меҳнат бозорида талабгор бўлиб турган касбларга қисқа вақтда ўқитиб, юқори маошли ишларга жойлашиш имконият мигрантларга маъқул келди. Шунингдек, мулоқотда узоқ муддатга ижарага ер олиб, деҳқончилик қилиш борасидаги мавжуд имкониятлар бўйича тушунтириш берилди, дейди ҳокимлик масъуллари.
Аниқлаштирилишича, бугунги кунда хорижий мамлакатларга турли мақсадларда чиқиб кетганлар вилоят аҳолисининг 5 фоизини ташкил қилади.
-Bz8UIoZY.jpg)
Шундан даромади 1000 доллардан кам бўлган 42 минг нафар мигрант билан алоҳида ишлаш чоралари кўрилмоқда. Мазкур мигрантларни вилоятга қайтариб, уларни юқори даромадли иш билан таъминлаш эса асосий мақсад қилиб олинган, дейди ҳокимлик ахборот хизмати ходими Марғуба Султонова.
Изоҳ (0)