Польша Ташқи ишлар вазирлиги Познан шаҳридаги Россиянинг консуллиги фаолиятига розилигини қайтариб олди, дея вазирлик раҳбари Радослав Сикорский хабар берди.
Унга кўра, Россия дипломатик муассасаси ходимлари мамлакатдан чиқариб юборилади ва Польша ҳудудида номақбул деб ҳисобланади.
“Мен Познандаги Россия консуллиги фаолиятини амалга ошириш учун рухсатномани бекор қилишга қарор қилдим. Муассаса ходимларининг Польша ҳудудида бўлиши номақбул деб ҳисобланади”, деди полшалик дипломат.
Аввалроқ Сикорский Польшанинг Вроцлав шаҳрида Россия махсус хизматлари кўрсатмаси асосида ўт қўйишни содир этган шахс қўлга олингани ҳақида хабар берган эди. Унинг сўзларига кўра, “Европадаги кўплаб ўт қўйиш ҳужумлари ортида Россия турибди”. Бундан ташқари, Сикорский “Россия махсус хизматларининг кейинги режаларидан” ҳам хабардор эканлигини таъкидлаган.
Сентябрь ойида Сикорский Қрим БМТ мақоми бўйича холис референдум ўтказиш мандатига берилиши кераклигини айтган эди.
“Қрим Россия ва айниқса мамлакат президенти Владимир Путин учун рамзий, аммо Украина учун стратегик аҳамиятга эга. Биз уни БМТ мандати остида, қонуний резидент кимлигини текширгандан сўнг, адолатли референдум тайёрлаш миссияси билан топширишимиз мумкин”, дея тушунтирган Сикорский.
Унинг қўшимча қилишича, мазкур жараён 20 йилга кечиктирилиши мумкин.
Изоҳ (0)