Шарқий Европада жойлашган НАТО давлатлари Украинадаги уруш фонида мудофаа харажатларини кескин оширди. 2024 йилнинг ўзида улар 70 миллиард долларга етди. Бу ҳақда Bloomberg хабар берди.
Ҳозирча самолётлар, вертолётлар, танклар ва ракета тизимларига буюртма ортиб бормоқда. Кейинчалик тегишли кўникмаларга эга бўлган ходимларни ёллаш керак бўлади, дейилади хабарда.
Таъкидланишича, 20 йил давомида бу соҳада “деярли ҳеч нарса қилмаганидан кейин” Европа биринчи ёки иккинчи авлод машиналаридан тўғридан тўғри тўртинчи ёки бешинчи авлодга, 386 процессорли компьютердан кўп ядроли тармоқ ечимларига сакраб ўтмоқда.
Bloomberg эслатишича, Россиянинг Украинага кенг кўламли ҳужумидан бир йил олдин, контингентдаги энг йирик иқтисодиётлар орасида фақат Британия альянс томонидан белгиланган ялпи ички маҳсулотнинг 2 фоизлик мақсадли кўрсаткичга эришганди.
Ҳозирда хавфсизликка энг кўп сармоя киритаётган мамлакатлар орасида Польша бор. У ўз ялпи ички маҳсулотининг 4 фоиздан ортиғини мудофаага сарфлайди.
Варшаванинг буюртмалари ўнлаб қирувчи самолётлар, Корея ва АҚШдан 1300 дан ортиқ танк ва Boeing Cо.нинг 100 та АH-64E Аpache зарба вертолётларини ўз ичига олади, бу мамлакатнинг бутун тарихидаги энг йирик харидидир.
Шунингдек, август ойида Польша ҳукумати Raytheon Technologies Corp. билан Patriot ҳаво ҳужумидан мудофаа батареялари компонентларини ишлаб чиқариш бўйича 1,2 миллиард долларлик шартнома имзолади.
Биз нафақат Европанинг ушбу қисмида, балки НАТО доирасида ҳам энг кучли армиялардан бирига айланамиз, деди Польша қуруқлик қўшинлари дала артиллерияси бошлиғи Гжегож Поцҳуски.
Бундан ташқари, Польша 2035 йилгача профессионал ҳарбийлар сонини икки баробардан зиёдга ошириб, уларнинг миқдорини 250 минг нафарга етказиш мажбуриятини олди.
Изоҳ (0)