“Боруссия” клуби бош мураббийи Нури Шаҳин клуб нима учун Мадридда машғулот ўтказмасликка қарор қилганини тушунтирди.
Аввалроқ Дортмунд клуби рақибнинг кузатувларидан чўчиб, Чемпионлар Лигаси 3-тур ўйини олдидан “Реал” майдонида машғулот ўтказмасликка қарор қилгани ҳақида хабарлар тарқалганди.
“Келгуси ҳафталарда бизни кўплаб сафар ўйинлари кутиб турибди ва биз ўз имкониятларимиздан унумли фойдаланмоқчимиз. Кузатув ҳақида ўқидим, лекин сабаб бу билан боғлиқ эмас. Ҳозирги даврда таҳлил учун ҳар қандай видео ёзувлардан фойдаланиш имкониятига эгамиз. Мен шунчаки футболчиларга уйда бир оз кўпроқ вақт ўтказишларига рухсат бердим.
“Реал» бизнинг ўйинларимизни, биз эса уларнинг ўйинларини етарлича томоша қилганмиз”, дея дортмундликлар устозининг сўзларини келтиради АС.
Маълумот учун, “Реал” — “Боруссия Д” баҳси бугун, 22 октябрь куни бўлиб ўтади.
Изоҳ (0)