ФА Чемпионлар Лигаси финали учун кучайтирилган хавфсизлик чораларини режалаштирмоқда.
1 июнь куни “Уэмбли”да Чемпионлар лигасининг ҳал қилувчи ўйини бўлиб ўтади. Унда “Реал Мадрид” ва Дортмунднинг “Боруссия” жамоалари ўйнайди.
Daily Mail хабарига кўра, ФА стадион тарихидаги энг йирик хавфсизлик операциясини ўтказиш учун 5 миллион фунт ажратган.
Таъкидланишича, ташкилот Лондонда бўлиб ўтган Евро-2020 финали ҳамда Париж ва Истанбулдаги Чемпионлар лигаси финали вақтида юзага келган шов-шувли вазиятларнинг олдини олишга интилади.
Ажратилган маблағ қўшимча панжара ва дарвозалар ўрнатишга, шунингдек, эшикларни магнитли қулфлаш тизимлари билан мустаҳкамлашга сарфланди – бу, ташкилотчиларнинг фикрича, ташриф буюрувчиларнинг кийимлари илгаклар сабаб йиртилиши ҳолатларини бартараф этади.
Маблағларнинг салмоқли қисми видеокузатув тизимини такомиллаштириш ва 18 нафар ходим учун иккинчи қўриқлаш назорати хонасини ишга туширишга сарфланди. Янги бўлим стадион ташқарисидаги, жумладан, метро станциялари ва кафелардаги воқеаларни кузатиш учун жавобгар бўлади.
Стадионда ташриф буюрувчиларнинг чипталари уч босқичда текширилади. Атрофдаги ҳудудлар алкоголсиз ҳудудларга айланади. Гиёҳванд моддаларга эга бўлган шахсларни аниқлаш учун хизмат итлардан фойдаланилади.
Изоҳ (0)