“Реал Мадрид” бош мураббийи Карло Анчелотти “қироллик клуби” билан шартномани 2023 йил декабрида қандай узайтиргани ҳақида сўзлади. Бу ҳақда El Chiringuito хабар беради.
Мадрид клуби ва Анчелотти ўртасидаги янги шартнома 2026 йилнинг ёзига қадар амал қилади.
"Мен Хосе Анхелдан (“Реал Мадрид” бош директори): “Янги мураббий топдингизми?” деб сўрадим. У менга жавоб берди: “Ҳали эмас, биз баъзи номзодларни кўриб чиқмоқдамиз”, деди. Мен унга: “Сиз “Реал Мадрид” учун энг яхши мутахассис билан шартнома имзолашингиз керак”, дедим. Кейин у сўради: “Ким энг зўри?” Кейин мен унга: “2014 йилда нима бўлганини унутдингизми?”, дедим. Шунақа ҳазил билан ҳамма нарса ҳал бўлди”, — дея Анчелотти сўзларини келтиради El Chiringuito.
Испания Примераси якунига кўра, “Реал Мадрид” 36 марта миллий чемпионлик унвонини қўлга киритди. “Қаймоқранглилар” 38 турда 95 очко жамғарди. Испания гранди УЕФА Чемпионлар Лигаси финалида Дортмунднинг “Боруссия” жамоасига қарши майдонга тушади.
Учрашув 1 июнь куни Лондонда бўлиб ўтади.
Изоҳ (0)