ҲАМАС раҳбарияти вакиллари 15 май куни Ливан пойтахти Байрутда “Ҳизбуллоҳ” ташкилоти етакчилари билан учрашув ўтказган. Бу ҳақда Ливан маҳаллий манбаларига асосланиб, Al Jazeera нашри хабар берди.
Манбада айтилишича, учрашувда “Ҳизбуллоҳ” томонидан олий раҳбар Ҳасан Насруллоҳнинг ўзи иштирок этган. ҲАМАС аъзолари Байрутда тантанали кутиб олинган.
ҲАМАС делегациясига гуруҳнинг Ғазодаги раҳбари ўринбосари Халил ал-Ҳайя бошчилик қилган. Вакиллар таркибида, шунингдек, ҲАМАС сиёсий бюроси аъзоси Муҳаммад Наср ва гуруҳнинг Ливандаги юқори мартабали вакили Усама Ҳамдан ҳам бўлган.
Учрашув чоғида томонлар Ғазодаги ўт очишни тўхтатиш бўйича музокаралар ҳолатини муҳокама қилишган. Сўнгги ўзгаришлар чуқур таҳлил қилиниб, Исроил билан тўхтаб қолган музокараларни давом эттириш борасида фикр-мулоҳазалар билдирилган.
Al Jazeera нашри хабар беришича, “Ҳизбуллоҳ” ва ҲАМАС раҳбарияти матбуотга ошкор қилинмаган тор доирадаги учрашув ҳам ташкил этган. Ушбу ёпиқ суҳбат тафсилотлари кейинчалик ошкор қилиниши билдирилган.
Изоҳ (0)