Исроил ҳарбий-ҳаво кучлари самолётлари биринчи марта Ливан шимолидаги, асосан насронийлар яшайдиган Згҳарта ҳудудига зарба берди, деб хабар беради Ливан миллий ахборот агентлиги NNА.
“Исроил агрессияси бошланганидан бери биринчи марта ҳарбий самолётлар Згҳарта тумани, Айту шаҳридаги бинога ҳужум қилди”, деб ёзади агентлик.
Аввалроқ инсонпарварлик ёрдами олиб кетаётган юк машиналари карвони Ливан шарқида Исроил ҳаво ҳужумига учрагани хабар қилинганди. Мамлакат жанубидаги бир қанча аҳоли пунктлари ҳам бомбардимон қилинди.
1 октябрдан бери Исроил Ливан жанубида “Ҳизбуллоҳ” кучларига қарши қуруқликдаги операцияни олиб бормоқда ва қўшни давлатни ҳаводан бомбардимон қилишда давом этмоқда. Бу ерда аллақачон 2,3 мингдан ортиқ одам ҳалок бўлган ва миллиондан ортиқ одам қочқинларга айланган.
Йўқотишларга қарамай, “Ҳизбуллоҳ” қуруқликдаги жангларни олиб бормоқда ва Исроил ҳудудига ракета ҳужумларини тўхтатмаяпти.
Исроил—Ливан чегарасидаги вазият 2023 йил октябрь ойида Ғазо секторида Исроил ҳарбий амалиётлари бошланганидан кейин ёмонлашган.
Изоҳ (0)