Альбаниянинг собиқ президенти Илир Мета коррупция бўйича тергов доирасида қўлга олинди, дея маҳаллий ОАВ ҳамда сиёсатчи вакиллари хабар берди.
Альбан матбуотига кўра, Мета коррупция, пул ювиш ва мулкни яширишда айбланмоқда.
Собиқ президентнинг матбуот котиби Теди Блуши Метанинг қўлга олинишини “жиноий одам ўғирлаш” деб атаган, сиёсатчининг адвокати эса унинг мижози барча айбловларни рад этаётганини айтган.
“Адвокат бошқа тафсилотларни келтирмади, бироқ айбловлар коррупцияга алоқадорлигини тасдиқлади”, деб ёзади Reuters нашри.
Маҳаллий ОАВ маълумотларига кўра, сиёсатчи Тиран чеккасида машинасини ҳайдаб, матбуот анжуманига кетаётганда қўлга олинган.
Илир Мета 2017—2022 йилларда Альбания президенти бўлган, унгача эса бош вазир, ташқи ишлар вазири ва парламент спикери лавозимларида ишлаган.
Изоҳ (0)