УЕФА Евро—2024 мусобақасида томошабинларнинг хатти-ҳаракати учун 7 та футбол федерациясини жаримага тортди.
Хотватия “мухлисларнинг ирқчилик ва камситувчи хатти-ҳаракатлари” учун энг катта жаримани олди — 50 минг евро.
Руминия худди шундай қоидабузарлик учун 40 минг евро, Альбания, Венгрия, Словения ва Сербия эса 30 минг евро, Австрия 20 минг евро жаримага тортилган.
Бундан ташқари, жаримага тортилган футбол федерацияларга УЕФА таснифидаги навбатдаги сафардаги ўйинлари учун чипта сотиш тақиқланган. Бироқ, Альбания, Венгрия, Австрия ва Словения учун чеклов 2 йиллик синов муддати билан шартли ҳисобланади.
Эслатиб ўтамиз, Германия яшил майдонларида бўлиб ўтган Европа Чемпионати 14 июндан 14 июлга қадар давом этди ва якунда Испания терма жамоаси чемпионликни қўлга киритди. Испанлар ҳал қилувчи баҳсда Англия устидан ғалаба қозонди.
Изоҳ (0)