Италия терма жамоаси дарвозабони Жанлуижжи Доннарумма футбол бўйича Европа чемпионати фаворитлари ҳақидаги саволга жавоб берди.
“Айрим жамоалар, шубҳасиз, жуда кучли. Масалан, Франция ва Англия. Аммо Италия ҳам ўз сўзини айтиши мумкин. Менимча, бундай мусобақада фаворитлар йўқ. Биз ўз кучимизни кўрсатиб, финалга чиқиш учун Европа чемпионатига йўл олмоқдамиз.
Биринчи тур баҳси ҳақида
Альбания — тажрибали ёш футболчиларга эга ажойиб жамоа. Ҳар бир учрашув ўзига хос, шунинг учун биз ўз ўйинимизни намойиш этиб, ғалаба қозонишга ҳаракат қилишимиз лозим. Шундан кейингина бошқа ўйинлар ҳақида ўйлай оламиз”, — дея Доннарумма сўзларини келтиради УЕФА расмий сайти.
Италия миллий жамоаси B гуруҳида Альбания, Хорватия ҳамда Испанияга қарши майдонга тушади.
Германияда ўтказиладиган турнир 14 июндан 14 июлга қадар бўлиб ўтади. Европа чемпионатининг амалдаги ғолиби Италия терма жамоаси ҳисобланади.
Изоҳ (0)