Шимолий Корея 11 январга ўтар кечаси Япон денгизи томон яна бир номаълум снарядни учирди, деб хабар беради Yonhap агентлиги.
Пхеньян томонидан навбадаги снаряднинг учирилгани ҳақида Жанубий Корея Бирлашган штаб бошлиқлари қўмитаси маълум қилган.
Шу билан бирга, NHK телеканалининг Япония соҳил хизматига таяниб маълум қилишича, гап баллистик ракета учирилгани ҳақида кетмоқда, шу муносабат билан япон ҳукумати фавқулодда йиғилиш ўтказади. Айни вақтда ҳарбийлар ракета парвозининг узоқлиги ва баландлигини таҳлил қилмоқда.
Таъкидланишича, Шимолий Корея томонидан яна бир ракетани АҚШ, Албания, Буюк Британия, Ирландия, Франция ва Япония БМТга КХДР 5 январь куни баллистик ракетани синовдан ўтказганини қоралаб, мурожаат қилганидан сўнг учирган.
«Биз КХДР томонидан охирги ракета учирилишини қоралаймиз. КХДР томонидан 5 январь куни учирилган баллистик ракета БМТ Хавфсизлик Кенгаши резолюциясини бузишнинг ёрқин мисолидир», — дейилади ҳужжатда.
Юқорида тилга олинган давлатлар вакиллари Пхеньянни ракета дастуридан воз кечиб, Корея яриморолини тўлиқ ядросизлантириш бўйича музокараларга киришишга чақирган.
«Интерфакс»нинг ёзишича, Жанубий Корея Миллий хавфсизлик кенгаши КХДР томонидан ракета учирилганидан «чуқур афсусда» эканини билдириб, Пхеньянни диалогга қайтишга чақирди.
«Миллий хавфсизлик кенгашининг доимий аъзолари Шимолий Кореянинг йил бошидан бери изчил ракета синовларини ўтказиш ниятини таҳлил қилиб чиққан ва барқарор сиёсий вазият муҳим бўлган бир пайтда сўнгги учирилишлардан чуқур афсусдалигини билдирди», — дейилади президент администрацияси баёнотида.
Мавзуга доир:
Изоҳ (0)