Евро—2024. Хорватия Альбания билан жанговар дуранг қайд этди

Футбол бўйича Европа Чемпионати B гуруҳи 2-туридан ўрин олган баҳсда Хорватия Альбанияга қарши майдонга тушди. 

Учрашувнинг 11-дақиқасида Альбания футболчиси Лячи ҳисобни очди. Биринчи бўлимда яна вазиятлар бўлишига қарамасдан, бошқа гол урилмади. 

Иккинчи бўлимнинг ярмидан ўтиб эса хорватлар “уйғонди”. 74-дақиқада Крамарич ҳисобни тенглаштирган бўлса, орадан 2 дақиқа ўтиб, Гясула автогол муаллифига айланди.

90+5-дақиқада эса автогол муаллифи Гясула ҳисобни тенглаштиришга муваффақ бўлди.

Шу тариқа учрашув 2:2 ҳисобидаги дуранг билан якунланди.

Евро—2024

2-тур

19 июнь, чоршанба

Хорватия – Альбания 2:2

Голлар: 0:1 – 11 Лячи, 1:1 – 74 Крамарич, 2:1 – 76, автогол Гясула, 2:2 – 90+5 Гясула.

Хорватия: Ливакович, Юранович, Шутало, Гвардиол, Перишич (Соса, 84), Модрич, Ковачич, Брозович (Пашалич, 46), Маэр (Сучич, 46), Крамарич (Батурина, 85), Петкович (Будимир, 69).

Альбания: Стракоша, Хьюсай, Жимшити, Аети, Митай, Лячи (Гясула, 72), Байрами, Ramadaни (Ҳоджа, 85), Аслани, Асани (Сефери, 64), Манай (Даку, 85).

Огоҳлантиришлар: Хьюсай (76), Ивушич (87), Даку (90+3), Ғясула (90+7).