Нидерландия Украинага 42,6 миллион евролик дронларни етказиб бериш ниятида. Бу ҳақда мамлакат мудофаа вазирлиги раҳбари Рубен Брекелманс Х ижтимоий тармоғида маълум қилган.
“Украина ҳозирда замонавий дронларга жуда муҳтож”, дея таъкидлади у, шунинг учун Нидерландиянинг DeltaQuad компанияси Украинага 42,6 миллион евролик разведка дронларини етказиб беради”.
“Бу бизнинг режамизнинг биринчи қисми”, деб таъкидлади Брекелманс.
Қуролсиз разведкачи дронлар узоқ масофаларга уча олади ва жанг майдонидан реал вақт режимида маълумотларни олиш, йиғиш ва душман фаолиятини кузатиш учун ишлатилади. Хавфсизлик нуқтайи назаридан Нидерландия томони етказиб бериладиган дронлар сонини ошкор қилмади.
Изоҳ (0)