Украина дронлари илк бор 28 август куни Россиянинг Киров вилоятига ҳужум қилди. Бу ҳақда The Moscow Time хабар берди.
![](/static/2024/08/28/photo_2024-08-28_15-56-45-O7IvMCXd.jpg)
Дронлар Котелнич шаҳридаги “Росрезерв”нинг “Зенит” заводи ҳудудидаги резервуарларга зарба берган. Жами тўртта портлаш қайд этилгани айтилмоқда. Шот Telegram каналининг ёзишича, ҳозирда иккита “Зенит” резервуари ёнмоқда, унга ҳужум қилган дронлар эса чегарадош Суми вилоятидан учирилган.
Киров вилояти губернатори Александр Соколов дронлар Котелничга етиб келгани, “нефть маҳсулотлари сақланадиган идиш”га ҳужум қилинганини айтган.
“Бир неча дақиқа олдин Котелничга дрон етиб келди, ҳужум қилди. Қурбонлар йўқ. Ёнғин чиқмади. Вазият назорат остида”, деган у.
Bazа нашрининг таъкидлашича, учта дрон “Вятка” комбинатидаги нефть маҳсулотлари омборига ҳужум қилган. Улардан бири резервуарнинг қопқоғини уриб юборган. Иккинчи дрон бўш цистернага тушган. Учинчи дроннинг зарбасидан сўнг омборда ёнғин келиб чиққан. Маҳаллий аҳоли 4 та портлаш овозини эшитган.
Изоҳ (0)