Украина 10 сентябрь куни Россиянинг тўққизта ҳудудига 100 дан ортиқ дрон учирди. Бу ҳақда Россия Мудофаа вазирлиги хабар берди.
![](/static/2024/09/10/photo_2024-09-10_10-49-22-ZLinLfBe.jpg)
Мудофаа вазирлигига кўра, мудофаа тизимлари 114 та Украина самолёти типидаги дронларни йўқ қилган ва тутиб олган. Энг кўп дронлар Брянск вилояти ҳудуди устида уриб туширилган — уларнинг сони 72 та.
Москва вилоятида 20 та, Курскда 14 та, Тулада 13 та, Белгородда 8 та, Калугада 7 та, Воронежда 5 та, Липецкда 4 та ва Орлов вилоятида 1 та дрон йўқ қилингани айтилмоқда. Россия Мудофаа вазирлиги анъанавий равишда ҳужум оқибатлари ҳақида маълумот бермаган.
Аввалроқ Украина президенти Владимир Зеленский мамлакат “урушни Россияга қайтариши, шунда Россия президенти тинчликка интила бошлаши”ни таъкидлаганди.
Изоҳ (0)