Россия 13 май куни тонгда Украинага тегишли 31 та ҳарбий дрон мамлакат чегарасида уриб туширилганини маълум қилди. Бу ҳақда Россия Мудофаа вазирлиги маълумотларига асосланиб, The Moscow Times нашри хабар берди.
Манбада айтилишича, душанба тонгида Украина томонидан Россия чегара ҳудудидаги ҳарбий ва фуқаролик объектларига, шунингдек, Қрим ҳудудига ҳарбий дронлар ҳужуми уюштирилган. Чегара ҳудудидаги ҳаво ҳужумида қарши мудофаа иншоотлари ёрдамида учар қурилмалар уриб туширилган.
“Тунда Киев режимининг учувчисиз ҳаво воситалари ёрдамида Россия Федерацияси ҳудудидаги нишонларга қарши терактлар уюштиришга қаратилган янги уринишлари олди олинди”, — дейилади Россия Мудофаа вазирлиги хабарида.
Украина билан чегарадош Белгород вилоятида душанба тонгида 12 та учувчисиз қурилма уриб туширилгани вилоят маъмурияти томонидан тасдиқланган. Дронлар ҳужуми оқибатида вилоят ҳудудида 15 нафар фуқаро ҳалок бўлган.
Мудофаа вазирлигининг қўшимча қилишича, Украина билан чегарадош Россиянинг Курск вилоятида ҳам саккизта дрон йўқ қилинган. Тўртта дрон Липецк вилоятида тутиб олинган.
Қримда ҳам дронлар уриб туширилгани билдирилган. Ҳаво ҳужумидан мудофаа тизимлари еттита дрон ва Буюк Британия томонидан етказиб берилган тўртта Storm Shadow ракетасини йўқ қилгани хабар қилинган.
Сўнгги ойларда Киев Москванинг бензин ва дизель ишлаб чиқаришини сусайтириш мақсадида Россия нефтни қайта ишлаш заводларини нишонга олгани хабар қилинган. Бу стратегик ҳужум Москва назорати остидаги ҳудудларда ёқилғи муаммоси келтириб чиқариш, нефть қайта ишлаш жараёнини узиб қўйиш ва бунинг ортидан урушни барқарор таъминлаб турган молиявий манбани тугатишдан иборат узоқ мақсадларни ўз ичига олади.
Изоҳ (0)