Россия ҳарбий-тарихий жамияти томонидан машҳур конструктор Михаил Калашников шарафига ўрнатилган композицияда Германияда ишлаб чиқарилган автомат тасвирлангани аниқланди. Шу муносабат билан жамият ҳайкалнинг бир қисмини демонтаж қилиш қарорига келди, деб хабар беради Meduza.
АК-47 конструкцияси асосида яратилган қурол-яроғ тасвирланган горельефда германиялик конструктор Хуго Шмайссер томонидан ясалган StG 44 автоматини тасвирлангани маълум бўлди. Композиция муаллифи Салават Шчербаков олдин ҳам совет даври қуроли ўрнига Германияда ишлаб чиқарилган ҳарбий техникани ҳайкалларда тасвирлаган.
Ҳайкал 19 сентябрь куни ўрнатилган эди. Энди композицияга кириб қолган StG 44 автомати рельефи олиб ташланади. Бу ҳақда Россия ҳарбий-тарихий жамияти ижрочи директори Владислав Кононов баёнот берди.
У скульптор Салават Шчербаков ва унинг шогирди «ниманидир адаштиргани»ни маълум қилди.
«Бу фондаги жуда кичик нарса. Уни қандай кўрмай қолганимизга ҳайронман. Биз уни манбалардан олган эдик. Биз олган жойда ‘Калашников автомати’ деб ёзилган эди. Интернетда», — деди Шчербаков «РБК»га берган интервьюсида.
Шу билан бирга, Кононов бу хато АК модели StG 44 дан қай даражада фарқланиши яна бир бор кўрсатганини таъкидлаб ўтди. Маълумки, Калашников АК-47 конструкциясини айнан ундан олгани айтиб келинади. Кононовнинг фикрича, бундай ёндашув мутлақо нотўғри.
Изоҳ (0)