Туркиянинг “Фенербаҳче” жамоаси яқин орада Ансу Фати вариантига яна қайтади.
AS нашрининг хабарига кўра, клуб қишки трансферлар ойнасида жамоа таркибини кучайтириш учун фаол ҳаракатларни олиб боради. Бош мураббий Жозе Моуриньо “Барселона” вингери Ансу Фати ҳамда “Тоттенҳэм” ҳимоячиси Серхио Регилонни ўз сафига қўшиб олмоқчи.
Ёзда “Фенербаҳче” Фатини ижарага олиш вариантини кўриб чиққанди. Яқин орада клубнинг спорт директори Марио Бранко Ансунинг вакиллари билан ушбу масалада боғланади.
Шу билан бирга “Фенербаҳче”нинг ярим ҳимоячиси Исмоил Юксекка “Атлетико”, “Бенфика” ва “Марсель” жамоалари қизиқиш билдирмоқда. Мадридликлар футболчи учун 3 миллион евор беришга тайёр. “Фенербаҳче” эса 10 миллион евродан камига Юксекни сотмоқчи эмас.
Изоҳ (0)