Футбол бўйича Гампер Кубоги доирасида “Барселона” 8 август, сешанба куни “Тоттенҳэм”га қарши баҳс олиб борди.
Учрашувнинг 3-дақиқасидаёқ ҳисоб очилди. Каталонияликлар ҳужумчиси Роберт Левандовски Рафиньянинг узатмасини голга айлантирди. 24-дақиқада Скипп ҳисобни тенглаштирди. 36-дақиқада эса яна ўша Скипп гол уриб, “шпорлар”ни ҳисобда олдинга олиб чиқди.
Иккинчи бўлимда ҳам дарвозалар ишғол этилди. 81-дақиқада Ферран Торрес мувозанатни тиклаган бўлса, ҳакам қўшиб берган дақиқаларда Ансу Фати ва Абде ўз номига гол ёздириб, “кўк-анорранглилар”нинг ғалабасига ҳисса қўшди.
Шу тариқа “Барселона” ўз тарихида 46 марта, кетма-кет эса 11 марта Гампер Кубогига эга чиқмоқда. Каталонияликлар сўнгги бор 2012 йилда “Сампдория”га имкониятни бой бериб қўйган.
Гампер Кубоги
8 август, сешанба
“Барселона” — “Тоттенҳэм” 4:2
Голлар: 1:0 – Левандовски (3), 1:1 – Скипп (24), 1:2 – Скипп (36), 2:2 – Ферран Торрес (81), 3:2 – Фати (90), 4:2 – Абде (93).
“Барселона”: тер Стеген (Пеня, 61), Балде (Алонсо, 61), Араухо (Роберто, 32), Эрик Гарсия (Ямал, 80), Кунде, Френки де Йонг, Ромеу (Марин, 80), Гави (Фати, 61), Педри (Гундўған, 61), Рафинья (Абде, 61), Левандовски (Торрес, 61).
“Тоттенҳэм”: Викарио, Порро, Дайер, Санчес, Регилон, Скипп (Девайн, 72), Биссума (Сарр, 88), Ло Чельсо, Соломон, Перишич (Спенс, 72), Ришарлисон (Скартлетт, 76).
Изоҳ (0)