Ўтган мавсумда “Брайтон”да ижара асосида ўйнаган “Барселона"нинг 21 ёшли ҳужумчиси Ансу Фати “Фенербахче”га ўтиши мумкин, деб хабар бермоқда Sport.es интернет нашри.
Манбага кўра, турк клуби спорт директори яқинда футболчининг агенти Жорже Мендес ва “Барселона” спорт директори Деко билан футболчи ҳақида гаплашган. “Фенербаҳче” бош мураббийи Жозе Моуриньо Фатини янги лойиҳасида кўришни истамоқда ва у яна жамоанинг муҳим футболчига айланиши мумкинлигига ишончи комил.
Қайд этилишича, “Барселона” футболчининг хизматларидан фойдаланиш ҳақида бир қарорга келмаган: Каталония клуби бош мураббийи Ханс Флик мавсумолди машғулотларда унинг жисмоний ҳолатига баҳо беради.
Эслатиб ўтамиз, ўтган мавсумда испаниялик футболчи “Брайтон” сафида 30 та ўйин ўтказиб, 4 та гол урган ва битта голли узатмани амалга оширган. 2023 йилнинг сентябрида испаниялик футболчи “Барселона”дан ижара асосида “Брайтон”га ўтди. Ижара шартномасида футболчини сотиб олиш шарти белгиланмаган. Transfermarkt интернет порталига кўра, ҳужумчининг тахминий нархи 25 миллион еврони ташкил қилади.
Изоҳ (0)