Европа Лигаси. “Ливерпуль” 6 та гол урилган ўйинда француз клубини тор-мор этди, “Рома” ўзида ишончли ҳисобда ғалаба қозонди

Футбол бўйича Европа Лигасининг 3-туридан ўрин олган ўйинлар 26 октябрь, пайшанба куни бўлиб ўтди. 

“Ливерпуль” ўз майдонида “Тулуза”ни қабул қилди ва 5:1 ҳисобида ғалаба қозонди. Мерсисайдликлар сафида Дарвин Нуньес, Райан Гравенберх, Диогу Жота, Муҳаммад Салоҳ ва Ватару Эндо ўз ҳисобига гол ёздириб қўйди. Француз клуби таркибида Тис Даллинга ягона гол муаллифига айланди.

“Рома” “Славия”га қарши баҳс олиб борди. Учрашувнинг биринчи дақиқасидаёқ римликлар ҳисобни очди. Эдоардо Бове жарима майдони ташқарисидан ажойиб зарба билан дарвозани ишғол қилди. 17-дақиқада Ромелу Лукаку ўз ҳисобига гол ёздирди. Қолган дақиқаларда дарвозалар ишғол этилмади ва Рим клуби зафар қучди.

“Брайтон” “Аякс”ни меҳмон қилди. Биринчи бўлим сўнгида Жоау Педро инглизларни ҳисобда олдинга олиб чиқди. Иккинчи бўлимда “Брайтон” ҳисобни ишончли кўринишга олиб келди. Бу сафар Ансу Фати дарвозани ишғол қилди. Шу тариқа инглиз клуби 3 очкони қўлга киритди.

Европа Лигаси

3-тур

26 октябрь, пайшанба

“Ливерпуль” – “Тулуза” 5:1

Голлар: 1:0 – 9 Диогу Жота, 1:1 – 16 Даллинга, 2:1 – 30 Эндо, 3:1 – 34 Нуньес, 4:1 – 65 Гравенберх, 5:1 – 90 Салоҳ.

“Ливерпуль”: Келлехер, Александер-Арнолд (Гакпо, 67), Матип, Гомес, Чемберс (Куанса, 67), Эндо, Жонс (Макконнелл, 89), Гравенберх (Салоҳ, 70), Эллиотт, Диогу Жота, Нуньес (Скенлон, 66).

“Тулуза”: Рест, Деслер (Каманси, 73), Николайсен, Коста, Диарра, Суасо (Магри, 67), Шмидт, Серро, Кассерес (Сесар Ҳелаберт, 67), Деннум (Жанро, 67), Даллинга (Беграуи, 80).

Огоҳлантириш: Эллиотт (75).

“Рома” – “Славия” 2:0

Голлар: 1:0 – 1 Бове, 2:0 – 17 Лукаку.

“Рома”: Свилар, Челик, Льоренте, Манчини, Ндика, Залевски (Карсдорп, 70), Кристанте, Ауар (Керубини, 89), Бове (Паредес, 46), аш-Шаарави (Белотти, 70), Лукаку (Пагано, 83).

“Славия”: Мандоус, Влчек, Огбу, Голеш, Думитреску (Провод, 65), Доудера, Дорли, Масопуст (Юрасек, 46), Зафеирис (Юречка, 82), ван Бюрен (Хитил, 71), Шранс (Валлем, 65).

Огоҳлантиришлар: Бове (23), Масопуст (27), Ндика (68).

“Брайтон” – “Аякс” 2:0

Голлар: 1:0 – 42 Жоау Педро, 2:0 – 53 Фати.

“Брайтон”: Стил, Велтман, Данк, ван Хекке (Уэбстер, 85), Милнер (Дауд, 85), Митома, Гроос, Гилмор (Балеба, 64), Аденгра, Фати (Буонанотте, 64), Жоау Педро (Фергюсон, 75).

“Аякс”: Рамай, Гоэи, Шутало, Хато, Соса, Taylor, Таҳирович (ван ден Бомен, 60), Бергейс (Годц, 60), Бергвейн (Акпом, 75), Боржеш (Ҳлинссон, 46), Бробби (Вос, 75).

Огоҳлантиришлар: Митома (22), ван Хекке (31).