Эркак ва аёллар ўртасида дўстлик бўлиши мумкин эмас, деб ўйлайдиганлар қаттиқ янглишади. Шоу-бизнес вакиллари ўртасидаги муносабатлар эса бунга яққол мисол бўла олади.
Кейт Уинслет ва Леонардо Дикаприо
1997 йил «Титаник»ни суратга олиш жараёнида танишган жуфтлик 20 йилдан узоқ вақтдан буён дўст ҳисобланади. Муносабатлари шунчалик илиқлигидан мухлислар орасида улар бир-бирига бефарқ эмас, деган тушунча шаклланган. Аслида эса улар ўртасидаги муносабат қойил қолса арзийдиган даражадаги дўстлик ҳисобланади. Юлдузлар бир-бирини ҳамиша қўллаб-қувватлайди. Леонардо «Оскар»га сазовор бўлганида Кейтнинг қанчалик қувонгани бунинг яққол исботи.
Энн Хетеуэй ва Хью Жекман
Мухлислар Хью рафиқаси Деборра-Ли Фернессга содиқлигини билгани учун ҳеч ким уни Энн ўртасида бир гап бор дея шубҳаланмайди. Энн ва Хьюни дарҳақиқат дўстона муносабатлар боғлаб туради. Улар «Хўрланганлар» фильмини суратга олиш майдончасида танишган. Энн ҳатто, Time журналига Хью ҳақида очерк ёзиб, унинг нақадар яхши инсон эканини таъкидлаган.
Ева Лонгория ва Марио Лопес
Ўртасидаги муносабатлар шунчалик қалинлигидан Марио Лопес Ева Лонгориянинг фарзандига чўқинтирган она бўлган. Ташқи томондан қараганда севишгандек кўрингани билан, уларнинг ўртасида дўстликдан бошқа нарса йўқ.
Жулия Робертс ва Жорж Клуни
Жулия ва Жорж «Оушеннинг 11 дўсти» фильмини суратга олиш жараёнида танишган. Фильмда севишганлар ролини жонлантирган актёрлар фестиваль ва тадбирларга бирга ташриф буюришига қарамай, жуфтлик ўртасида дўстликдан бошқа нарса ҳақида гап бўлиши мумкин эмас. Робертс Клунининг умр йўлдоши Амал билан ҳам илиқ муносабатда ва уларнинг уйида тез-тез меҳмон бўлиб туради.
Кети Перри ва Роберт Паттинсон
Хонанда ва актёр дўст эканликларини тасдиқлашига қарамай, матбуотда улар ўртасида севги борлиги ҳақида материаллар чоп этилаверади. Орландо Блум билан муносабатлари, ҳомиладорлиги маълум бўлганидан кейин мухлислар Кетининг Роберт билан шунчаки дўст эканига яна бир марта амин бўлди.
Сиенна Миллер ва Ченнинг Татум
Миллер ва Татум анча йиллардан бери дўст ҳисобланади. Улар турли шаҳарларда истиқомат қилишига қарамай, ҳамиша бир-бирини қўллаб-қувватлайди ҳамда эркак ва аёл ўртасида дўстлик бўлиши мумкинлигини тасдиқлайди.
Сандра Буллок ва Райан Рейнолдс
«Таклиф » фильмида севишганлар ролини шу қадар ишонтириб ўйнаган юлдузлар фильмда акс этган муносабатлар ҳаётдагиси билан фарқ қилиши мумкинлигини қалин дўстлиги билан исботлаган. Улар бир-бирининг ҳаётидаги қийин даврларда ҳамиша бирга бўлган.
Тэйлор Свифт ва Эд Ширан
Тэйлор ва Эд ўртасида ҳамкорликдаги лойиҳадан бошланган муносабатлар ҳали ҳамон давом этмоқда. Ижодий ғоялар устида суҳбатлашиш ва биргаликда сайр қилишни хуш кўрадиган машҳур жуфтлик нима учун бошқалар уларнинг дўстлигига ишонмаслигига ҳайрон қолишини билдиради.
Бредли Купер ва Женнифер Лоуренс
Бредли ва Женнифер биргаликда бир қанча фильмларда рол ижро қилган ва шундан кейин улар ўртасидаги муносабатлар ҳақида миш-мишлар тарқалган. Лекин Лоуренс миш-мишлар асоссизлиги ва улар дўст эканини таъкидлаган. Актриса сўзларида жон бор эканини бир вақтлар Куперга шахсий ҳаётини қуришга берган кўмагидан ҳам билиш мумкин.
Изоҳ (0)