НАТО бош котиби Марк Рютте Украина президенти Владимир Зеленскийнинг тинчлик режасини шарҳлар экан, Украина албатта Шимолий Атлантика альянсига аъзо бўлишини айтди. Бироқ бу қачон амалга ошишини маълум қилмади.
Рюттенинг сўзларига кўра, НАТО режани “эътиборга олди” ва уни ёпиқ эшиклар ортида муҳокама қилади.
“Украина фурсат келганда албатта альянсга қўшилади”, деди Рутте, бироқ Украинанинг НАТОга қандай аъзо бўлишини аниқ тасвирлаб бера олмаслигини қўшимча қилди: “Мен бу йўлни аниқ тасвирлаб бера олмайман”.
Унинг эслатишича, НАТОга аъзо давлатлар раҳбарлари йил бошида бўлиб ўтган саммитда Украинанинг НАТОга аъзо бўлиш йўли “ортга қайтмас” эканини таъкидлаган эди.
Зеленскийнинг тинчлик режаси ҳақида гапирар экан, Рютте НАТО буни ёпиқ эшиклар ортида муҳокама қилишини таъкидлади. “Биз буни инобатга олдик”, деди Рютте ва бу мавзу бўйича бошқа изоҳ бермаслигини айтди.
Бош котибнинг сўзларига кўра, режа “украиналиклар нимани англатишини тушуниш учун улар билан муҳокама қилиниши керак бўлган кўп жиҳатларга эга”.
Зеленский 16 октябрь куни Олий Радага тинчлик режасини тақдим этди. Режанинг биринчи банди Украинанинг НАТОга қўшилишидан иборат. Зеленский бу иш яқин орада рўй беришига ишонч билдирган.
Изоҳ (0)