Украина президенти Пётр Порошенко Украина—НАТО комиссияси йиғилишида иштирок этиш ва бир қатор учрашувлар ўтказиш учун Польша пойтахти Варшавага келди. Бу ҳақда «Корреспондент.net» хабар бермоқда.
Давлат раҳбари матбуот котиби Святослав Цеголкога кўра, айни пайтда Порошенконинг саммитдаги биринчи учрашуви — Туркия президенти Ражаб Тоййиб Эрдўғон билан музокаралари бўлиб ўтмоқда. Ташриф доирасида, Польша президенти Анжей Дуда, Нидерландия бош вазири Марк Рютте, Буюк Британия бош вазири Дэвид Кэмерон ва бошқа хорижий етакчилар билан учрашувлар кўзда тутилган. Шунингдек, Порошенконинг АҚШ президенти Барак Обама билан мулоқоти ҳам кутилмоқда.
9 июль куни бўлиб ўтадиган Украина—НАТО комиссияси йиғилиши якунлари бўйича қўшма баёнот ва мамлакат мудофаа хавфсизлигини оширишга қаратилган режа қабул қилиниши мўлжалланган.
Изоҳ (0)