Россия президенти матбуот котиби Дмитрий Песков НАТОнинг Европадаги кенг кўламли ядровий машғулотлари Украина инқирози шароитида фақат кескинликни янада кучайтиришини айтиб ўтди.
“Фаол уруш шароитида бундай машқлар фақат кескинликни оширишга хизмат қилади. Россия ўз хавфсизлиги учун жавобгардир ва бунинг учун барча зарур чораларни кўради”, дея таъкидлади у.
У, шунингдек, Германия ташқи разведкаси бошлиғи Бруно Калнинг Россия қуролли кучлари ўн йиллик охирларига келиб НАТОга ҳужум қилиши мумкинлиги ҳақидаги баёнотини мантиққа зид деб атади.
“Бизнинг ҳарбий инфратузилмамиз ҳеч қачон НАТО томон силжимаган; Биз НАТО қандай кенгайганини ва унинг ҳарбий инфратузилмаси Россия чегараларига қандай яқинлашганини яхши биламиз. Бу ерда ким хавф туғдириши аниқ”, дея таъкидлади Кремль вакили.
НАТО Steadfast Noon номли йиллик ядровий машқларни бошлади. Манёврлар икки ҳафта давом этади ва унда АҚШ ядро қуролини олиб юришга қодир 60 дан ортиқ қирувчи самолётлар иштирок этади. Самолётлар Ғарбий Европа устидан учиб ўтади.
“Ядровий тийиб туриш иттифоқчиларимиз хавфсизлигининг асосидир. Steadfast Noon альянснинг ядровий тийиб туриш бўйича синовини ифодалайди ва ҳар қандай рақибга НАТО ўз аъзоларини ҳимоя қилишга тайёр эканлиги ҳақида аниқ сигнал беради”, деди НАТОнинг янги бош котиби Марк Рютте.
Изоҳ (0)