Қашқадарё вилоятида ҳайдовчилардан бири маст одамни уриб юбориб, жабрланувчига биринчи ёрдамни кўрсатмай, уни пахта даласига ташлаб кетган. Бу ҳақда ИИВ ахборот хизмат “Дарё”га маълум қилди.
Ҳодиса Қарши тумани ҳудудидан ўтган йўлда содир бўлган. Қарши тумани “Қорақуччи” маҳалласида яшаган марҳум кечки соат 00:30 атрофида онасининг уйидан маст ҳолда чиққан ва шунда уни машина уриб кетган.
Тез тиббий ёрдам вақтида кўрсатилмагани учун жабрланувчи воқеа жойида вафот этган.
Қайд этилишича, ҳолат юзасидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлимига сабаб бўлса) ва 117-моддаси 2-қисми (хавф остида қолдириш одам ўлимига сабаб бўлса) билан жиноят иши қўзғатилган.
Гумонланувчи процессуал тартибда ушланган ва унга қамоқ эҳтиёт чораси қўлланган.
Изоҳ (0)