Тошкент шаҳар Чилонзор туманида Cobalt ва Changan тўқнашуви оқибатида ЙТҲ содир бўлди. Бу ҳақда ЙҲХБ хабар берди.
Маълум қилинишича, ҳодиса 3 октябрь куни соат 19:40 ларда Чилонзор тумани Дўмбиробод кўчаси 128-уй қаршисида содир бўлган. 2000 йилда туғилган З.Н. бошқарувида бўлган Changan русумли транспорт воситаси ва 1994 йилда туғилган А.А. бошқарувида бўлган Cobalt тўқнашган.
ЙТҲ натижасида тан жароҳат олган Cobalt ва Changan ҳайдовчиларига биринчи ёрдам кўрсатиш мақсадида шифохонага олиб кетилган. Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
Аввалроқ Қашқадарёда икки автомобиль тўқнашувидан тўрт киши вафот этгани ҳақида хабар берилганди.
Шунингдек, Самарқандда содир бўлган ЙТҲ оқибатида ҳайдовчи вафот этганди.
Изоҳ (0)