Самарқанд вилояти Оқдарё туман “Даҳбед” МФЙ ҳудудидан ўтувчи М-37 автомобиль йўлининг 9 км да 24 сентябрь куни соат 16:30 ларда йўл-транспорт ҳодисаси содир бўлди. Бу ҳақда Самарқанд вилояти ИИБ ЖХХ Йўл ҳаракати хавфсизлиги бошқармаси хабар берди.
Маълум қилинишича, ҳайдовчи Nexia автомобилини Бухоро—Самарқанд йўналишида бошқариб кетаётиб, ўзи билан бир йўналишда йўл четида тўхтаб турган, Коegel тиркамасининг орқа қисмига келиб урилган.
Ҳодиса оқибатида Nexia ҳайдовчиси олган тан жароҳатлари сабаб шифохонада вафот этган.
Ҳолат юзасидан Оқдарё тумани ИИБ ҳузуридаги тергов бўлинмаси томонидан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)