Apple компанияси Apple Health+ деб номланган янги пуллик хизматни ишга тушириш устида фаол ишламоқда. У келаси йилдаёқ тақдим этилиши кутилмоқда. Бу ҳақда MacRumors нашри хабар бермоқда.

Унинг асосий хусусияти овқатланиш бўйича тавсиялар ва ҳатто тиббий маслаҳатлар бера оладиган шахсий сунъий интеллект мураббий бўлади. Бу маълумот Insayder ва Bloomberg мухбири Марк Гурман томонидан Power Оn ахборот бюллетенининг сўнгги сонида келтирилган.
Журналистнинг сўзларига кўра, Apple Health+ комплекс хизмат бўлиб, унда марказий ўринни сунъий интеллект ёрдамчи/терапевт эгаллайди. Ушбу сунъий интеллект шахсий саломатлик бўйича мураббий вазифасини бажариб, фойдаланувчиларга шахсийлаштирилган овқатланиш режалари ва уларнинг тиббий ҳолатига оид тавсияларни тақдим этади.
Дастлаб Марк Гурман сунъий интеллект коучинг функцияси iOS 19.4 (ҳозир iOS 26.4 номи билан танилган)да пайдо бўлиши мумкинлигини тахмин қилган эди. Бироқ кейинроқ у хизматнинг тўлиқ ишга туширилиши ва унинг интеграцияси iOS 27 дан олдин содир бўлмаслигини аниқлаштирган.
Apple Health+ iPhone ва iPad’даги мавжуд “Соғлиқ” (Health) иловасига чуқур интеграция қилиниши кутилмоқда, бу уни миллионлаб Apple фойдаланувчилари учун мавжуд қилади.
Гурман янги хизматнинг нархи ҳақида маълумот бермаган. Бироқ унинг шахсий маслаҳат ва тиббий тавсияларга йўналтирилганлигини ҳисобга олиб, Apple Health+ ойлик ёки йиллик обуна асосида таклиф этилишини тахмин қилиш мумкин.
Бундан аввал 2026 йилда Apple ўз смартфонлар линиясини жиддий қайта тузишни режалаштираётгани хабар қилинганди. АҚШдаги Apple кампанияси iPhone 18 моделидан воз кечади, бу эса кoмпания экотизимига кириш нархининг ошишига олиб келиши мумкин.
Изоҳ (0)