Qashqadaryo viloyatida haydovchilardan biri mast odamni urib yuborib, jabrlanuvchiga birinchi yordamni ko‘rsatmay, uni paxta dalasiga tashlab ketgan. Bu haqda IIV axborot xizmat “Daryo”ga ma’lum qildi.
Hodisa Qarshi tumani hududidan o‘tgan yo‘lda sodir bo‘lgan. Qarshi tumani “Qoraquchchi” mahallasida yashagan marhum kechki soat 00:30 atrofida onasining uyidan mast holda chiqqan va shunda uni mashina urib ketgan.
Tez tibbiy yordam vaqtida ko‘rsatilmagani uchun jabrlanuvchi voqea joyida vafot etgan.
Qayd etilishicha, holat yuzasidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish odam o‘limiga sabab bo‘lsa) va 117-moddasi 2-qismi (xavf ostida qoldirish odam o‘limiga sabab bo‘lsa) bilan jinoyat ishi qo‘zg‘atilgan.
Gumonlanuvchi protsessual tartibda ushlangan va unga qamoq ehtiyot chorasi qo‘llangan.
Izoh (0)