Наманганда мактаб ўқувчиси бошқарган Gentra юк машинаси билан тўқнашгани ва ҳайдовчи вафот этгани ҳақида хабар берилганди. Ҳолат юзасидан Наманган вилояти ИИБ ЙҲХБ ахборот хизмати қўшимча маълумот берди.
Маълум қилинишича, 2007 йилда туғилган, Наманган шаҳридаги 1-сонли касб-ҳунар мактаби ўқувчиси 300 минг сўм эвазига ижарага Lacetti автомобилини олган.
Сўнг уни соат 12:30 ларда Наманган шаҳар, “Марғилон” кўчасида юқори тезликда бошқариб бориб, йўлни иккига ажратиб турувчи бетон тўсиқдан ўтиб кетган ва қарама-қарши томонидан ўз йўналишида ҳаракатланиб келаётган “Зил-138А” юк машинаси билан тўқнашган.
Ҳодиса оқибатида Lacetti автомашинаси ҳайдовчиси оғир тан жароҳати билан шифохонада вафот этган.
Автомашина салонида бўлган 4 нафар ўқувчи турли даражадаги тан жароҳатлари билан шифохонага ётқизилган.
Ҳозирда мазкур ҳолат юзасидан Наманган шаҳар ИИБ Тергов бўлими томонидан ЖКнинг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисмига асосан жиноят иши қўзғатилган.
Lacetti автомашина эгаси бошқариш ҳуқуқи бўлмаган шахсга транспорт воситасини бошқаришга топширгани юзасидан ҳам терговга қадар текширув ҳаракатлари олиб борилмоқда.
Изоҳ (0)