Наманган вилоятининг Чуст, Жиззах вилоятининг Шароф Рашидов туманларида энергия ресурсларига ноқонуний уланиш ҳолатлари фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Чуст туманида фуқаро Ш.С. “Ариқбўйи” МФЙ ҳудудида жойлашган ер майдонига ўрнатилган сув насосини электр тармоқлари корхонаси билан шартнома тузмасдан умумий фойдаланишдаги тармоққа улаган. Оқибатда жами 117 млн сўмлик “свет”дан ўғирлик йўли фойдаланганлиги аниқланган.
Шунингдек, Шароф Рашидов туманида ЯТТ Ф.Ш. ва бошқалар новвойхона фаолиятини йўлга қўйиб, жами 106,6 млн сўмлик табиий газдан ноқонуний фойдаланганликлари аниқланган.
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)