Ўзбекистонда кексаларга поезд ва самолёт қатновларига чипталар сотиб олишда ноябрь ойида чегирмалар берилади.
Кексалар усҳун туризм ойлиги муносабати билан Uzbekistan Airways барча эконом классдаги тарифларга 15 фоизгача чегирма тақдим этади. Чегирма 2024 йил 1 ноябрдан 30 ноябргача амалга ошириладиган маҳаллий авиақатновларга амал қилади.
Чегирмали авиачипта харид қилаётганда Ўзбекистон фуқаросининг паспорти ёки ID-картаси бўлиши керак.
“Ўзтемирйўлйўловчи” ҳам шу сана давомида “Афросиёб” юқори тезликда ҳаракатланувчи поездидан ташқари маҳаллий йўналишлар учун чипталарнинг тариф қисмидан 20 фоиз чегирмалар белгилади.
Чегирмалар 55 ёшдан ошган аёллар ва 60 ёшдан ошган эркаклар учун мазкур саналарда ҳаракатланадиган маҳаллий йўналишларга амал қилади.
Чипталарни Ўзбекистон темирйўл кассаларидан паспорт ёки ID-карта тақдим этган ҳолда харид қилиши мумкин.
Изоҳ (0)