Тошкент ҳайвонот боғига кириш чипталари учун нархлар 1 апрелдан оширилади. Бу ҳақда ҳайвонот боғи маъмурияти маълум қилди.
Қайд этилишича, Тошкент ҳайвонот боғи ўз жониворларининг фаровонлиги ҳақида тинимсиз қайғуради, уларга ғамхўрлик қилиш, парваришлаш ва даволашга зарур бўлган маблағларни ҳеч қачон аямайди. Ошиб бораётган нархлар сабаб буларнинг барчаси катта харажатларни талаб қилади.
“Шу сабаб биз узоқ ўйланишлардан сўнг кириш чипталари нархини бироз кўтаришга қарор қилдик. Бу қарор, шунингдек, жониворлар озуқаси нархининг ошиши билан ҳам боғлиқ. Тушунишингизга умид қиламиз ва сизни мўжаз ҳайвонот боғимизда кутиб қоламиз”, — дейилади хабарда.
1 апрелдан амалда бўладиган нархларга мувофиқ, 16 ёшдан катталар учун ҳайвонот боғига кириш чиптаси 35 минг сўмдан сотилади, 7 ёшдан кичик бўлган болалар учун эса бепул.
Изоҳ (0)