Фантазиялар ҳақиқатга айланган даврда яшаяпмиз ва бунда Илон Маск муҳим рол ўйнайди. Унинг ҳар бир автомобили ижодкорнинг тасаввуридир. Бу автомобиллар атмосферани ифлослантиришни тўхтатибгина қолмай, балки ноёб санъат асари, муҳандислик намуналари ва тараққиёт тимсолига айланадиган келажакка ишончдир. Улар ўз замонасининг майоқлари — эртанги кунимизга йўлимизни ёритишга мўлжалланган.
Tesla Roadster
Tesla Roadster биринчи тўлиқ электрокар ҳисобланади. Унинг дастлабки версияси 2008 йилда чиқарилган, аммо энг сўнггиси — 2022 йилда чиқарилгани ҳақиқий санъат асаридир. Автомобиль 1,9 сонияда 0-100 км/соат тезликка эриша олади.
Электр двигатель 10 000 Нм айланиш моментини ва 400 км/соатдан юқори тезликни таъминлашга қодир. Аммо Roadster’нинг асл ҳайратланарли томони унинг диапазони — модел бир қувватланишда 1 000 километрдан ортиқ масофани босиб ўта олади.
Tesla Model S Performance
Албатта, Маск битта Roadster билан чекланиб қолмаган. Илон Tesla’да ҳақиқий юлдузни яратган — Model S Performance бизнесменнинг гаражини безаб туради. Ушбу седан оилавий автомобиль нима деган тушунчани ўзгартиради. Ажойиб тезлик хусусиятларига эга Model S Performance салонида бешта катта йўловчи ва икки нафар болани бемалол сиғдира олади.
Model S Performance қулайлик, самарадорликни ўзида мужассамлаштиради ва электромобиллар учун янги стандартларни белгилайди. Автомобиль 2,5 сониядан камроқ вақт ичида 100 км/соат тезликка эриша олади ва бир марта қувватланганда 652 км масофани босиб ўтади.
Tesla Cybertruck
Маскнинг гаражидаги энг ноодатий автомобиль — 2020 йилда ишлаб чиқарилган Tesla Cybertruck технология имкониятлари чегараси йўқлигини исботлаш учун келажакдан келганга ўхшайди. Унинг ғайриоддий дизайни, юқори манёвр ва қуввати билан биргаликда уни шунчаки машина эмас, балки кўпроқ нарса хоҳлайдиганлар учун идеал вариантга айлантиради.
Машина илмий-фантастик ёки постапокалиптик фильм қаҳрамонига мос келади. Тобланган шиша, зангламайдиган пўлатдан ясалган корпус нафақат ҳурмат уйғотадиган, балки йўловчиларини ҳам ҳимоя қиладиган ҳақиқий зирҳли машинадир. Фақат Илон ўзини кимдан ҳимоя қилмоқчи эканлиги аниқ эмас. Машина 3 500 килограммгача бўлган юкни кўтаришга қодир, шу билан бирга 100 км/соат тезликка 3 сониядан камроқ вақт ичида эришади.
Tesla Model Х
.jpg)
Ниҳоят ўлмас классика — Model Х 2016. Дунёдаги биринчи электр кроссоверларидан бири ҳам спорт кўрсаткичлари, ҳам оилавий қулайликларни ўзида мужассам этган бўлиб, у етти нафаргача йўловчини олиб юриши мумкин. Автомобиль ноёб “капалак қанотлари” ва ҳашаматли интерьери билан автосалон ва кўргазмаларнинг асосий юлдузига айланди.
Model Х электр автомобиллар нафақат самарали ва экологик тоза, балки ниҳоятда замонавий бўлиши мумкинлигини бутун дунёга исботлади. Model Х бир қувватланишда 475 км масофани босиб ўтишга қодир ва 2,7 сонияда 100 км/соат тезликка эришади. Автомобиль NHTSA хавфсизлик рейтингида беш юлдузга эга бўлиб, йўлтанламаслар рўйхатида етакчи автомобиль ҳисобланади.
Изоҳ (0)