Камбағал оиладан бўлгани учун мактабни ташлаб, тўғри келган иш билан шуғулланган, кейин эса келишган “шаҳзода” билан учрашиб қолгани туфайли ҳаёти 180 даража ўзгарган қизлар ҳақидаги жуда кўп эртакларни эшитганмиз. Бироқ бугунги кунда бундай воқеалар фақатгина эртакларда учрамай, балки реал ҳаётнинг бир қисмига айланди. Бу омадлилардан бири Дубайдаги криптовалюта трейдери, миллионер Рики Андраденинг рафиқаси таниқли Линда Андрадедир.
Танишганларида қиз 16 ёшда бўлиб, йигит эса фастфуд дўконида ишлаган
Линда Рики билан учрашишидан олдинги ҳаётини эслашни ёқтирмайди. Фақат бир марта қиз тасодифан улар танишганларида қиз 16 ёшда бўлгани, йигитнинг эса бир центи ҳам бўлмаганини айтади. Ўша йилларда дубайлик йигит фастфудда идиш ювувчи бўлиб ишлаган ва фақат хаёлидагина “дунёни забт этиш” режасини тузган. Асли калифорниялик бўлган қиз эса ўша пайтда қандай иш билан шуғуллангани номаълум, худди Дубайга қандай келгани каби. Шунинг учун Линда уни айбламасликларини сўрайди, чунки у Рики билан йигит зўрға кун кечираётганида танишади. Улар ўртасида шахсий манфаат эмас, балки ҳақиқий севги пайдо бўлади.
“Бир кунда 216,789 минг доллар сарфлаб юборганман”
Линда унга тегишли пулларсиз эри ҳозир эга бўлган бойлигига эриша олмаслиги ҳақида бир сўз ҳам демайди, аммо унинг илҳомисиз у ҳеч нарсага эриша олмаслигини қистириб ўтади. Шунинг учун бугунги кунда у севгилисига берилган “аванс” учун жуда яхши даромад олади. Агар Андранденинг ижтимоий тармоқлардаги саҳифаларига қарасангиз, фақат битта хулосага келишингиз мумкин: бу соҳибжамол 24/7 ҳашаматда кун кечиради, бу ҳақда ўз обуначиларига айтишдан уялмайди.
Бир марта Линда “одатий чоршанба кунида” 216 минг доллардан бир оз кўпроқ пул сарфлаганини айтади, аммо бу пулларни нимага ишлатганини сир сақлайди. Қиз қиммат ресторанларда овқатланишни яхши кўради (бир ресторанда деярли 230 минг доллар ишлатган). Бундан ташқари, у бир кунлик хариди 300 минг доллардан ошадиган ҳашаматли бутиклардан кийим сотиб олмаса бўлмайди.
Хотинини эркалашни яхши кўрадиган миллиардер эрнинг ўзи ҳам четда турмайди. Шундай қилиб, бир куни у хотинига 200 минг долларлик тилла тақинчоқлар совға қилади, кейин эса “ўйин-кулги учун” деб ёзилган картасига камтарона 52 минг доллар ўтказиб беради.
“Wеlls Fargo мени яхши кўради”, деб ҳазил қилади қиз, оддий одамлар эса ҳар куни бу аёлнинг бир лаҳзалик инжиқликлари учун 157 минг доллар (1, 92 млрд сўм)дан кўпроқ пул сарфлаш қандай бўлишини тасаввур қилолмай ҳайратда.
Дубайлик уй бекаси эрини оталик бахти билан сийлаши учун махсус олмос узук хоҳлайди
“Келажакда қизим ҳам ўзимга ўхшаб уйда ўтирадиган аёл бўлишини хоҳлайман. Эркакка суяниш мутлақо нормал ҳолат”, — дейди Линда она бўлишга тайёрлигига ишора қилган ҳолда, албатта, бу бежиз эмас.
Узоқ кутилган меросхўр ўғил ёки қиз чақалоқни дунёга келтириш учун Рики Андраде рафиқасига у сўраган ҳамма нарсани муҳайё қилиши керак. Қиз аллақачон бир нечта талабларни тайёрлаб қўйган. Линда хоҳлаган биринчи нарса олмос узук, лекин оддий эмас, балки рангли. Мажбурий шарт — олмоснинг “боланинг жинсига мос келиши”: пушти ёки кўк бўлиши. Ўзининг иккинчи совғаси сифатида бўлажак она янги уй ва даромадини ушлаб туриши ва кейинчалик қиммат нархга сотиши учун “инвестицион квартира” танлаган.
Истаклар рўйхатидаги учинчи нарса — қимматбаҳо машиналар ва уларни ҳайдашга рухсат бериш (ҳозирча Рикки хотинига автомобиль бошқаришга рухсат бермайди, у шахсий ҳайдовчи хизматидан фойдаланади). Мустақил бўлишга тайёрланаётган миллиардернинг рафиқаси Lamborghini ва McLaren 720 ни хоҳлайди — иккинчисининг нархи 300 минг доллардан ошади. Бундан ташқари, унга боласини олиб юриши учун янги Mercedes-Benz G-Class керак бўлиб, у обрўли “онамобайл”га айланади. Буларга қўшимча сифатида Линда яхта хоҳлайди — яхта унинг номи билан аталиши шарт.
Ёқимли бонус сифатида Линда эри унга ҳомиладорлигининг ҳар триместрида Rolex соатини ҳадя қилишини хоҳлайди, аммо бунга қўшимча равишда эри уни ҳозиргидек эркалашда давом этиши лозим: ҳар куни янги атиргуллар совға қилиш, романтик кечалар уюштириш ва спа-салонлар учун пул тўлаш. Қиз учун спа-салон жуда муҳим, чунки бундай келишган ва бадавлат эркакнинг кўнглини олиш осон иш эмас. Шунинг учун у ҳар доим ташқи кўринишига жиддий аҳамият беради, унинг сўзларига кўра, бу жуда қийин ва қиммат жараён. Бироқ Линда бу муолажаларга қанча пул сарфлашига умуман аҳамият бермайди.
Изоҳ (0)