Британияда миллиардер оила йилига 127 000 доллардан (ойига 10 500 доллар) маош оладиган итбоқар қидирмоқда. Ваканцияда айтилишича, танланган номзод оиланинг Лондондаги уйида яшайди.
Номзодга қўйиладиган талаб кун бўйи тўлиқ ишлаши ва ит эгаси бўлган оила билан Найтсбриж туманида яшаши керак. Шу билан бирга, итбоқар жонивор эгалари қаерга борса, улар билан бирга саёҳат қилиши зарур.
Идеал номзод итнинг овқатланиши ҳақида ҳамма нарсани билиши, у учун индивидуал машқлар режимини ишлаб чиқиши, жонивор билан ўйнаши ҳамда шахсий ҳаётини четга суриб қўйиши керак.
“Миллиардерлар оиласи бир кун аввал ваканцияни эълон қилишган бўлса ҳам, бизда аллақачон 300-400 та ариза бор. Тўсатдан ҳамма итбоқарга айланиб қолди”, дейди бандлик агентлиги ходими Жорж Ралф-Дан.
Унинг сўзларига кўра, жиддий текширув ўтказишдан олдин компания ходимлари барча талабларга жавоб бермайдиган номзодларни кўриб чиқмоқчи эмас.
“Агар сиз ветеринар бўлсангиз ва уй ҳайвонлари билан мулоқот қилишга одатланган бўлсангиз ҳам бундай ойлик берадиган ишни топишингиз қийин бўлади", дейди Жорж Ралф-Дан.
Миллиардерларнинг нечта ити борлиги ва улар қандай зотдан эканлиги ҳақида хабар берилмаган.
Изоҳ (0)