Ижтимоий тармоқларда Чоко никнейми билан машҳур бўлган колумбиялик Хосе Луис Матос етти йил аввал Чоко лақабли ити билан кўчада яшарди. У оғир турмуш шароити туфайли уйини тарк этди, бироқ ҳеч ким ёрдам бермагани ва қўллаб-қувватламагани туфайли қийин шароитга тушиб қолди.
.jpg)
Чоко иккита ити: Шегги ва Нена билан жуда яқин бўлиб қолган. Бунга эса бир воқеа сабаб бўлган.
Бир куни паркда йигит ва унинг севимли итларини йўловчилардан бири пайқаб қолди. Йўловчи таъсирчан ва ниҳоятда ажойиб манзаранинг гувоҳи бўлиб, уни суратга олиб, ижтимоий тармоқларга жойлаштирди.
Кадрларда Чоко, Шегги ва Ненанинг кечки пайт қуёш нурлари остида зинапояда ўтирганини кўриш мумкин. Итларнинг бошига байрам қалпоқлари кийдирилган эди. Видеода итларнинг эгаси тортни қутидан олади, шам қўяди, қарсак чалиб, “Туғилган кунингиз билан” деб куйлайди.
Йигит итларни ўпади ва қучоқлайди. Чоко торт бўлакларини бўлиб, уларни ликопчаларга жойлаштиради ва итларига беради. Видеонинг охирида йигит кўзларини ишқалайди ва гўёки бу воқеалар унга қаттиқ таъсир қилганга ўхшайди.
Оператор видеони суратга олгач, Чоко билан танишишга қарор қилган. Шундан кейин у Чоконинг шароти оғир эканини, қийинчиликларга қарамай у ҳар доим Шегги ва Ненанинг камчиликсиз ҳаёт кечиришини таъминлашга ҳаракат қилаётганини билиб олди. Бу ўз навбатида улар учун кўрсатилган ёрдам эди.
Шу куни улар тўртинчи марта Шегги лақабли итнинг туғилган кунини нишонлашди.
Видео ижтимоий тармоқларда тарқалгач, Чоко ва итларининг ҳаёти тубдан ўзгарди. Улар яшаётган истироҳат боғи ўнлаб меҳрибон инсонларнинг севимли жойига айланди.
Боғга ташриф буюрган инсонлар Чоко ва унинг итлари учун зарур нарсалар, жиҳозлар, пулларни хайрия қилди. Кимдир йигитга телефон совға қилди ва бу совға уларнинг ҳаётидаги яна бир муҳим воқеа бўлди.
Чоко ижтимоий тармоқларда саҳифаларини ишга туширди. Унинг ҳаётий ҳикояси минглаб инсонларнинг қалбига таъсир қилди ва улар унинг аккаунтига обуна бўлиб, воқеаларнинг кейинги тафсилотини кузата бошлади.
Бугунги кунда уларнинг ҳаёти яхшиланганини кўриш мумкин. Ҳозирда Чоко ва унинг итлари кўчада яшамайди. Бундан ташқари, Чоко қийин вазиятга тушиб қолган бошқа ҳайвонларга ёрдам бериш билан шуғулланади. Шунингдек, у инсонлар учун махсус футболкалар ва итлар учун ёқачалар сотади. Чоко ўз даромадининг бир қисмини хайрия ташкилотларига ўтказади.
Бир куни Чоко саҳифасига жуда таъсирли ва катта маънога эга суратни жойлади. У 2015 йилда итлари билан кўчада тунагани, 2022 йилда эса шинам тўшакда ухлагани акс этган суратни фолловерларига кўрсатган. Шунингдек, Чоко иккинчи имконият берилганидан чексиз миннатдор эканлиги ҳақида пост ёзиб қолдирган.
Ҳозирда бу оила учун байрамлар анча ёқимли муҳитда ўтади. Чоко ҳали ҳам итларига ғамхўрлик қилади ва уларга далда беради.
Изоҳ (0)