Ўзбекистон элчихонаси Ижтимоий ҳимоя миллий агентлиги, Ички ишлар ва Соғлиқни сақлаш вазирликлари вакиллари билан биргаликда Россия ҳудудида қонуний вакиллари (ота-оналари) бўлмаган 17 нафар вояга етмаган болани ватанга қайтарди. Бу ҳақда “Дунё” агентлиги хабар берди.
Бундан ташқари, элчихона томонидан болаларга ватанга қайтиш учун бепул сертификатлар берилган.
“Ўзбекистонга қайтарилган барча вояга етмаган болалар яқин қариндошларига ёки мамлакатимиздаги махсус болалар муассасаларига васийлик қилиш учун топширилади”, — дейилади хабарда.
Олдинроқ Россия ҳудудига тақиқ туфайли киролмаган аёлнинг фарзандлари Ўзбекистонга қайтариб олиб келингани тўғрисида хабар берилганди. Аниқланишича, аёлнинг эри ўғлини ургани сабабли бола полиция томонидан касалхонага жойлаштирилган. Фуқаро хорижда яшашга оид тегишли ҳужжатлар тақдим этса, полиция болани онага қайтаришини маълум қилган, ҳужжатлардаги камчиликларни бартараф этиш учун Қозоғистон ҳудудига ўтганида эса аёл тақиқ туфайли Россияга қайта кира олмасдан Ўзбекистонга қайтиб келган.
Изоҳ (0)