«Уни қаровсиз, аҳволи аянчли ва ўлдига чиқаришди». «Кулол ва Хурмача» фильмидаги Хурмача роли ижрочиси Аброр Турсунов билан эксклюзив интервью (видео)

«Кулол ва Хурмача» фильмидаги Хурмача роли билан мухлисларга яхши таниш бўлган актёр ва режиссёр  Аброр Турсунов ҳақида ижтимоий тармоқларда «қаровсиз, ёрдамга муҳтож, жуда аянчли аҳволда» мазмунидаги хабарлар тарқалди.

Ушбу хабарларга ойдинлик киритиш мақсадида «Дарё» мухбири Феруз Муҳаммад ҳамда журналист ва телебошловчи Шоҳира Ҳамро Аброр Турсуновнинг хонадонида бўлиб, актёр билан суҳбатлашишди.

Суҳбат давомида актёр ижтимоий тармоқларда икки маротаба вафот этди дея ёлғон хабарлар чиққани, нима сабабдан кино оламида фаолият юритмаётгани ҳақида гапириб берди.

Қизиқ воқеа бўлган. Бир куни уйимизга раҳматли Обид Юнусов келди. ‘Ҳа Обид ака, тинчликми’, десам, ‘сенга фотиҳа ўқигани келдим’, дедилар. ‘Қаердан эшитдингиз’, деганимда, ‘менга Мирзабек Холмедов айтди’, дедилар. ‘Соғ экансан, саломат экансан, умринг узоқ бўлади’, деб кетдилар.

Ундан сўнг интернетга ‘яна бир марта ўлди’, деб ёлғон хабар тарқатишди. Санъатда кўринмасангиз шунақа бўлиб қоларкан-да. ‘Ўлди, йўқ бўлиб кетди, касал ётибди’, дейишар экан.

Аброр Турсунов, актёр

Авваламбор, касал бўлдим. Инсульт бўлдим. Бўйнимнинг икки томонидан томир олишди. Оёғимдан томир олиб, бўйнимга қўйишди. Бу ҳаммаси нотўғри овқатланиш ва сиқилишдан келиб чиқар экан.

Аброр Турсунов, актёр