Turkiyada qarovsiz qolgan o‘zbekistonlik bolalar vatanga qaytarildi, deb xabar bermoqda Bosh konsulxona axborot xizmati.
Qayd etilishicha, xorijdagi vatandoshlarga ijtimoiy-huquqiy yordam ko‘rsatish tadbirlari doirasida Turkiyada ota-onasining qarovisiz qolib ketgan uch nafar voyaga yetmagan bolalar vatanga qaytarilishiga erishildi.
Jumladan, turli sabablar tufayli ota-onasining qaramog‘idan mahrum bo‘lgan 16 yoshli va 6 yoshli 2 nafar qiz, 11 yoshli bir nafar o‘g‘il bola yaqin qarindoshlarining murojaatlari asosida Istanbul shahridagi Bosh konsulxonasi, Ichki ishlar va Sog‘liqni saqlash vazirliklari hamkorligida amalga oshirilgan chora-tadbirlar natijasida 2-oktyabr kuni mas’ul xodimlarning kuzatuvi ostida Toshkent shahriga yuborildi.
Bundan avval Rossiyada qarovsiz qolgan 8 oylik go‘dak O‘zbekistonga, ota-onasi bag‘riga, qaytarilgan edi.
Shu bilan birgalikda, Turkiyaning Istanbul shahrida o‘z qizi tomonidan qiyin ahvolda qoldirilgan ayol va uning o‘g‘li O‘zbekistonga qaytarilgan edi. Shuningdek, Istanbulda pulsiz va hujjatsiz qiyin ahvolda qolgan o‘zbekistonlik erkak vatanga qaytarilgan.
Izoh (0)