Ўзбекистон бош консулхонаси кўмагида Россиянинг Пенза вилоятида қаровсиз қолиб кетган ўн тўрт ёшли ўзбекистонлик бола ватанга қайтарилди. Бу ҳақда “Дунё” хабар берди.
![](/static/2024/08/21/bq-DE8PH8ur.webp)
Маълум қилинишича, мамлакатнинг Қозон шаҳридаги бош консулхонаси, Тошкент шаҳар Ички ишлар бош бошқармасининг “Вояга етмаганларга ижтимоий-ҳуқуқий ёрдам кўрсатиш маркази” ва Пенза вилояти омбудсмани билан биргаликда ушбу вилоятда қаровсиз қолиб кетган ўзбекистонлик вояга етмаган Р.Л.ни мамлакатга қайтариш бўйича ишлар якунланди.
Р.Л. 19 август куни дипломатлар, Тошкент шаҳар Ички ишлар бош бошқармасининг “Вояга етмаганларга ижтимоий-ҳуқуқий ёрдам кўрсатиш маркази” кўмагида Қозон–Москва–Тошкент авиақатнови билан Ўзбекистонга кузатиб қўйилди.
Аввалроқ Россияда ота-она қарамоғисиз қолган бир гуруҳ ўзбекистонлик болалар 14 август куни Новосибирскдан ватанга қайтарилгани хабар қилинганди. Ота-онаси турли сабабларга кўра, уларнинг тарбиясида иштирок эта олмаган жами саккиз нафар бола Ўзбекистонга соғ-саломат етиб келган.
Изоҳ (0)