Қозоғистоннинг Elem Group компанияси Россия армиясини таъминлаётганликда айбланди. Қозоғистон Миллий иқтисодиёт вазирлиги компания юзасидан баёнот берди. Бу ҳақда KazTAG хабар берди.
“7 декабрь куни Elem Group МЧЖ АҚШ Савдо вазирлиги томонидан савдо қилиш чекланадиганлар рўйхатига киритилди. Эслатиб ўтамиз, Elem Group МЧЖ 2023 йил май ойидан буён ташқи савдо фаолиятини амалга оширмаган. Жорий чекловлар шундан далолат берадики, бундан буён АҚШдан товар етказиб берувчилар махсус лицензия олмасдан Америка товарларини ушбу рўйхатга киритилган компанияларга жўната олмайди”, — деди Қозоғистон Миллий иқтисодиёт вазирлиги.
Маълумотларга кўра, АҚШ Савдо вазирлиги томонидан чекловларга дучор бўлган компаниялар ўз фаолиятини давом эттириши мумкин, америкалик контрагентлар билан ишлаш бундан мустасно.
“Ушбу рўйхатга Германия, Япония, Бельгия, Буюк Британия ва бошқа ривожланган давлатлар корхоналари ҳам киритилган. Шуни таъкидлаш керакки, булар иккиламчи санкциялар эмас, яъни АҚШ Ғазначилигининг хорижий активларни назорат қилиш бошқармаси рўйхатига тааллуқли эмас”, — дейилади хабарда.
Қозоғистоннинг Elem Group компанияси Украинадаги Россия армиясини таъминлаганликда гумон қилинмоқда.
Июнь ойида ўтказилган текширув шуни кўрсатдики, Россиянинг 2022 йил февралида Украинага кенг кўламли бостириб кириши ортидан Streloi E-Kommerts Қозоғистонда жойлашган Elem Group шўба корхонасидан икки томонлама мақсадли юзлаб маҳсулотларни қабул қилиб олган.
“Кремль доимий равишда Россияни уруш давридаги иқтисодга айлантирмоқда, бироқ Путиннинг уруш машинаси биргина маҳаллий ишлаб чиқариш билан бардош бера олмайди. Бизнинг санкцияларимиз Россияга ўзининг ҳарбий саноат базасини қуриш ва қўллаб-қувватлаш учун зарур бўлган компонентлар билан таъминловчи учинчи давлатнинг тайёр етказиб берувчилари ва тармоқларига босимни оширишда давом этмоқда”, — дейди АҚШ молия вазири Жанет Еллен.
Изоҳ (0)