Россия фуқаролигини ёки яшаш учун рухсатнома олган барча ҳайдовчилар, агар Россияда яшаётганига бир йилдан кўпроқ вақт ўтган бўлса, чет эл гувоҳномаси билан автомобилни бошқара олмайди. Бу ҳақда Россия норматив-ҳуқуқий ҳужжатларининг расмий сайтида хабар берилди.
Қонунга кўра, Россия ҳайдовчилик гувоҳномасини олиш учун улар имтиҳонни қайта топширишлари керак.
Ушбу қонун 2024 йил 1 апрелдан кучга киради, — дейилади ҳужжатда.
Хориж ва халқаро ҳайдовчилик гувоҳномалари чет элликлар Россияда яшаш учун рухсатнома ёки Россия фуқаролигини олган кундан бошлаб бир йилдан сўнг бекор қилинади.
Россияликларнинг Беларусда берилган ҳайдовчилик гувоҳномалари ҳамда Россия ҳудудида яшаш учун рухсатнома олган Беларусь фуқаролари учун мазкур қонун амал қилмайди. Шунингдек, дипломатик ваколатхоналар ходимлари ва уларнинг оила аъзолари хориж ҳайдовчилик гувоҳномаси асосида автомактабда ўқимасдан, имтиҳон топширмасдан ёки транспорт воситасини бошқаришга қарши кўрсатмалар йўқлиги тўғрисидаги тиббий хулосани тақдим этмасдан олишлари мумкин бўлади. Агар ҳайдовчи Россияда яроқсиз гувоҳнома билан машина ҳайдаса, у (15 минг рублгача) жаримага тортилади ва лицензияси тикланмагунча ҳайдовчиликдан четлатилади.
Энг машҳур тоифадаги хорижий гувоҳномалар асосидаги рус ҳайдовчилик гувоҳномалари назарий имтиҳонни муваффақиятли топширгандан сўнг берилади. Бундай ҳайдовчилар ҳайдовчилик имтиҳонларини топширишлари шарт эмас. Автомобилни бошқаришга чекловлар йўқлигини тасдиқловчи тиббий маълумотномани тақдим этиш лицензия олишнинг зарурий шарти ҳисобланади.
Изоҳ (0)