Россияда ишлаётган ўзбекистонликларга моддий ёрдам берилди, деб хабар қилмоқда Ташқи меҳнат миграцияси агентлиги.
Унга кўра, Ташқи меҳнат миграцияси агентлигининг Россия Федерациясидаги вакиллари Туладаги “Тяжпромарматура”, Самарадаги “Тепличний”, Уфадаги “Мобил Бетон”, Бошқирдистон Республикасидаги “Северное” корхоналарида бўлиб, юртдошлар ва уларнинг иш берувчилари билан учрашувлар ўтказди.
Учрашувда иш берувчилар билан меҳнат мигрантларига муносиб яшаш ва иш шароитларини яратиш, иш ҳақини вақтида тўлаш, ҳужжатларни расмийлаштиришда кўмаклашиш масалалари муҳокама қилинди.
Юртдошларга президентнинг 2024 йил 4 апрелдаги “Меҳнат миграцияси жараёнларини такомиллаштириш ҳамда хорижда вақтинча меҳнат фаолиятини амалга ошираётган шахсларни қўллаб-қувватлашга доир қўшимча чора-тадбирлар тўғрисида”ги фармони мазмун-моҳияти тушунтирилди.
Пермда ишлаётган юртдошларга ҳуқуқий ва моддий ёрдам кўрсатилди.
Изоҳ (0)