Россиялик телебошловчи қозоқларни манқуртларга қиёслади

Россиялик телебошловчи Тина Канделаки қозоғистонликларни манқуртларга қиёслади. Бу ҳақда “Orda.kz” хабар берди.

Канделаки Қозоғистондаги вокзалларнинг рус тилидаги номи ўзгартирилишига норозилик билдириб, “исмларни ўзгартириш хавфли фаолият эканлигини” айтди.

Ҳурматли қозоқлар, сизда оддий, аммо кенг қамровли тушунча бор — “mengu”. Ундан машҳур манқурт — хотирасини, ўзлигини, баъзан ақлини йўқотган одам образи келиб чиқади. Ўзингизни ва содир бўлган ҳамма нарсани эсламаслик, тарихнинг барча кўринишларидан, шу жумладан, тарихий номлардан воз кечиш нафақат саводсизлик, балки хавфли фаолиятдир. Аввало, ер юзида яшайдиган ва космосда учмайдиганлар учун”, — деган рус телебошловчиси.

Мисол сифатида у 2022 йилда Қантар даврида КХШТ қўшинларининг кириб келишини эслади. Унинг фикрича, Қозоғистон “қўшниларининг ёрдами” бўлмаганида, ўз мавжудлигини тўхтатарди.

Ўтмишни эсламаслик, икки йил аввал Қозоғистон давлати деярли йўқ бўлиб кетишига сал қолганини эсламаслик демакдир. Қайси бири яхшироқ — ёнаётган шаҳарлар ёки ёрдамга келган қўшнилар? — деган Тина Канделаки.

Шунингдек, телебошловчи “Борат” фильмини ҳам эслаб, қозоғистонликларни оқилона бўлишга чақирган.

Ўтмишни эсламаслик — “Борат”ни олқишлашдир. Қозоғистондан ташқари яна ким уни тақиқлаган? Россия ва Форс кўрфази мамлакатлари. Ғарбнинг маърифатли элфлари ҳақида нима дейиш мумкин? Улар бунга тупуришни хоҳлади. Улар учун қозоқлар кимлар? Фильмдаги жавоб аниқ. Камроқ ғазаб, кўпроқ сабаб. Шунда сиз Америка ОАВларига Боратнинг ҳазиллари сизга ёққанини тушунтириш учун ҳеч қачон ўзингизни мақташингиз шарт эмас. Ҳеч бўлмаганда Россия ёнингизда экан, — дейди Тина Канделаки.

Маълумот ўрнида, бу машҳур русларнинг Қозоғистонга нисбатан биринчи баёноти эмас. 2023 йил охирида Россия давлат думаси депутати Евгений Федоров Қозоғистоннинг СССР таркибидан чиқишининг ноқонунийлиги ҳақида гапирганди. Журналист Дмитрий Стешин эса Қозоғистоннинг шимолий ҳудудлари тарихан Россияга тегишли эканини бир неча бор айтган.