Украина президенти Владимир Зеленский АҚШнинг собиқ президенти Дональд Трамп яна Америка етакчисига айланса, у Украинани таслим бўлишга мажбурлаши мумкинлигини таъкидлади, дея RBC хабар берди.
Зеленскийнинг қўшимча қилишича, бу унинг обрўсига ва Вашингтоннинг жаҳон сиёсатидаги ролига таъсир қилади,
Украина раҳбарига кўра, Трамп қайта сайланса, можарони “Украина ҳисобига” тугатишга қарор қилиши мумкин. Россия томонининг бундай қарорга розилигини тасдиқласа, Трамп Украинани ҳам молиявий, ҳам қурол-яроғ билан қўллаб-қувватлашдан бош тортиши, шунингдек, бошқа давлатлардан ёрдамни тўхтатишни талаб қилиши мумкин.
Зеленский бундай қарор АҚШнинг жаҳон етакчиси мақомини йўқотишига олиб келишини айтган.
У ҳақиқатан ҳам кейинчалик ютқазган президент бўлишни хоҳлайдими? Тасаввур қилинг-а, шундан сўнг Путин ҳужумда давом этади. АҚШнинг янги президенти бутун дунё учун ким бўлади? У жуда заиф бўлади, — дейди Зеленский.
Унинг фикрича, бундай вазиятда Путин Қўшма Штатлар энди ўша ўйинчи эмаслигини англаб, давом этади. Кейин майдонга бошқа авторитар раҳбарлар киради. Бу эса ҳақиқий учинчи жаҳон уруши, - дея хулоса қилган Украина президенти.
Трамп Украинадаги можарони 24 соат ичида ҳал қила олишини бир неча бор таъкидлаган. Аввалроқ CNN нашри Трамп қайта сайланганидан сўнг Россия ва Украинани музокаралар столига ўтказишга ҳаракат қилиши ҳақида хабар берган. Telegraph нашри Трамп ўз режасини ноябрь ойида бўлиб ўтадиган президентлик сайловларигача ошкор қилмаслигини айтган.
Изоҳ (0)